Poliisi etandiise okunoonyereza ekituufu ekyavuddeko akabenje ku luguudo lwe Kyegegwa Mubende, olunnaku olw’eggulo.
Mu kabenje, abantu bataano (5) be bafiiriddewo.
Okusinzira ku mwogezi wa Poliisi mu bitundu bye Rwenzori West Vincent Twesige, akabenje kabaddemu emmotoka ekika kya Toyota Hiace Drone namba UBF 534N ne Toyota Hilux namba UAY 052Z mu disitulikiti y’e Kyegegwa.
Poliisi egamba nti Drone yabadde eva Kasese okudda e Kampala mu bitundu bye Bwera kwe kuyingirira double cabin eyabadde eva e Kampala.
Abantu babiri (2) mu double cabin bafiiriddewo n’abantu basatu (3) mu Drone.
Poliisi egamba nti abaafudde kuliko dereeva Amidu Kawuntura, Assira Caroline prima n’omulala ategerekeseeko erya Kagimu.
Abantu munaana (8) abaafunye ebisago, baatwaliddwa mu ddwaaliro ekkulu e Kyegegwa okufuna obujanjabi.
Abali mu ddwaaliro kuliko Jonah Akansasira okuva e Kamwenge, Odeke William, omusirikale okuva e Wandegeya, Olivia Biira myaka 31 okuva e Bwera, Masika Misiriri n’abalala.
Emirambo gitwaliddwa mu ddwaaliro ekkulu e Kyegegwa okwekebejjebwa okuzuula ekituufu ekyavuddeko okufa kwe.
Vincent Twesige alabudde abalina ebidduka okwewala okuvugisa ekimama era agamba nti Poliisi etandiise okunoonyereza okuzuula ekituufu, ekyavuddeko okufa kwe.
