Omukulembeze w’eggwanga erya Nigeria Muhammadu Buhari, agumizza famire y’omwana eyattiddwa, okunoonyereza okufuna obwenkanya.
Omwana ono, Sylvester Oromoni myaka 12 yafiiridde ku ssomera lya Dowen College mu kibuga Lagos omwezi oguwedde nga kigambibwa nti yatulugunyizibwa, bayizi banne.
Kigambibwa, Oromoni yakubwa abayizi bataano (5) nga bali mu Hositeero nga baliko enzikiriza gye baali baagala okumuyingizaamu.
Oluvanyuma lw’okufa, abakulu ku ssomero bategeeza, omwana yafuna obuzibu ng’ali kusamba kapiira, ekyavaako okufa kwe.
Wabula famire y’omugenzi, egamba nti bukya muntu waabwe attibwa, bakyalemeddwa okufuna obwenkanya.
Kati no, Omukulembeze w’eggwanga (Pulezidenti) Buhari avuddeyo ku nsonga eyo, era asuubiza famire, okufuna obwenkanya essaawa yonna.
Essomero lyaggaddwa kyokka abamu ku bannansi mu Nigeria, bategese okwekalakaasa olunnaku olw’enkya nga batambula mu ngeri y’okubanja eddembe mu bannansi bonna.
