Ekikonde kinyoose wakati w’omusajja omwoki w’ennyama n’okusingira ddala enkoko n’omukyala omusiisi wa Chipusi nga kivudde ku jjoogo ssaako ne kasasiro e Makindye mu Kibaati.

Omusajja Junior Katembo ali mu gy’obukulu 21 nga mwoki wa nnyama, atabukidde neyiba we Nakamya Sharon ali mu gy’obukulu 27, nga musiisi wa Chipusi, ekivuddeko ekikonde ekinyooka, okwesika amataayi, empi ssaako n’ekigwo.

Katembo ne Nakamya, buli omu alumiriza munne okumansamansa kasasiro era ekikonde kitabuse wakati mu kwegendereza okuyiwa sigiri y’enkoko, ebadde ekyayokebwa.

Ekikonde wakati wa Katembo ne Nakamya

Abatuuze webatuukidde okutaasa, nga buli omu afunye ku bikonde ebiwera nga ne Katembo wadde musajja, Nakamya amulazeeko nti mukyala tanyigirwa mu ttooke.

Wakati mu kulwana, Katembo akubye Nakamya ekigwo ku ttaka era Nakamya mu ngeri y’okwerwanako, asabye Katembo mu bitundu bye kyama era akubye omulanga olw’obulumi.

VIDIYO!