Jazmine akkiriza!
Kyaddaki DJ Nimrod akomyewo nankuba mpya era ku mulundi guno avuddeyo okulaga nti ddala mu Uganda asukkulumye nnyo ku balala.
DJ. Nimrod, omuzinnyi ku 100.2 Galaxy mu Pulogulamu Evening Rush, ategese ekivvulu nga 29, May, 2022 ku Uganda Museum ku luguudo lwe Ntebbe.
Mu Uganda, Nimrod, y’omu ku ba DJ abakutte akati mu kutumbula ekisaawe ky’okuyimba n’okwagalwa ennyo abantu.
Kati no nga 29, May, 2022, ku Uganda Museum, mu kivvulu ekituumiddwa “DJ Nimrod White Party”, aleese abayimbi ab’enjawulo, bannakatemba ssaako ne ba DJ abalala okuva mu bitundu by’eggwanga eby’enjawulo.
Abamu ku bayimbi kuliko Lydia Jazmine, Ziza Bafana, Crystal Panda, Sama Sojja, Aroma, Aziz Azion, Gravity Omutujju n’abalala.
Nimrod agamba nti ku mulundi guno, okuyingira ssente 20,000, VIP 50,000 ate emmeeza 500,000 kyokka singa omuntu yenna akeera okuyingira, wakugibwako ssente 10,000 gwokka.
Mu Uganda, Nimrod ye DJ yekka alina abawagizi abasinga obungi n’okusingira ddala abakyala.
Nga 29, May, 2022, gugenda kuba mulundi gwakutaano DJ Nimrod okutekateeka ekivvulu kya ‘DJ Nimrod White Party’, abadigize bonna okwambala engoye nga njeru.
‘DJ Nimrod White Party’ eteekeddwamu ssente kkampuni ez’enjawulo omuli 100.2 Galaxy FM, Uganda Waragi, Pakalast Restaurant Makindye, Kagwirawo, QC Events, Hisense Mobile, Crystal water, Bake for Me ne Kampuni endala.
Mu kiseera kino, abantu okuva mu bitundu by’eggwanga eby’enjawulo beyongedde okuggya ku kitebe kya Galaxy FM e Kansanga okwegulira tiketi.
DJ Nimrod agamba nti Jazmine yabadde musanyufu nnyo okufuna omukisa okuyimba mu kivvulu era akkiriza endogo okugikuba nga 29, May, 2022 ate Gravity eyakuyimbira Tusimbudde agamba nti ku lunnaku olwo, alina okuleeta omuntu alina ennene.
Ebifa ebifa ku DJ Nimrod – https://www.youtube.com/watch?v=dyrxPxrnRVM
