Kabiite wa Jose Chameleone, Daniella Atim Mayanja alemeddeko ku nsonga za Sandra Teta n’omuyimbi Weasel Manizo.

Enkya ya leero, waliwo akatambi akakedde okutambula ku mikutu migatta bantu omuli Tik Tok ne WhatApp nga mukyala wa Weasel, Sandra avuddeyo ku bigambo ebirudde nga bitambula oluvanyuma lwa bba okumukuba.

Sandra asobodde okweyambisa omukutu ogwa Tik Tok okutabukira Daniella ne mukyala wa Buchaman, Maama Ghetto, abaludde nga batambuza amawulire n’okusaba Poliisi okuvaayo ku nsonga ya Weasel okukuba Sandra.

Weasel yetonze

Sandra asobodde okusaba Daniella ne Maama Ghetto okwesonyiwa ensonga za famire ye.

Sandra agamba nti akoze ebintu eby’enjawulo okutunda erinnya lye nga kiswaza Daniella ne Maama Ghetto okwagala okulitta mu kiseera kino.

Agamba nti wadde Daniella ne Maama Ghetto baludde nga bavaayo okulaga nti bafaayo, tewali yali amukubiddeko ku ssimu, okutegeera ensonga zonna wabula baludde nga batambulira ku lugambo.

Sandra agamba nti agenda kwekolera ku nsonga za Famire ye ne Weasel okusinga abantu okudda mu kutambuza ebigambo eby’obulimba.

Vidiyo ya Sandra

Wabula Daniella nga mu kiseera kino awangalira mu ggwanga lya America naye avuddeyo okwanukula ku nsonga za Sandra.

Wadde Daniella yadduka yinki 7 ya Chameleone, alaga nti afaayo nnyo ku nsonga ezinyigiriza abakyala.

Daniella

Asobodde okweyambisa omukutu ogwa Instagram okulaga nti Sandra okuvaayo n’engeri gy’avuddeyo, kabonero akalaga nti yetaaga kuyambibwa.

Daniella era agamba nti Sandra okuvaayo okusaba abantu okwesonyiwa ensonga za famire ye, tekyewunyisa era y’emu ku nsonga lwaki yetaaga okuyambibwa okuva mu bantu ab’enjawulo.

Ebigambo bya Daniella eri Sandra

Mu Lungereza, Daniella agambye nti, “Ofcourse I have seen Sandra running her mouth speaking gibberish while living in Utopia.And that’s completely ok and not surprising.This is exactly why she needs us all ,Sandra needs as much Grace as we can all offer her.Let us be patient with her ,lets keep encouraging her and even hyping her .We all know she needs it now .No body expects it to be easy for her .in fact we sympathize with every Sandra and only hope that they snap out of it just in time for us all to celebrate“.

Ebirala ebifa mu ggwanga – https://www.youtube.com/watch?v=Q3EqWkM4t4U&t=474s