Musajja wa Robert Kyagulanyi Ssentamu (Bobi Wine), Pulezidenti w’ekibiina ki National Unity Platform (NUP), Alionzi Lawrence amanyikiddwa nga Dangote awangudde obwa ‘Guild’ Pulezidenti ku Yunivasite e Makerere ng’asobodde okumegga abayizi musanvu (7).

Ku birangiriddwa, Alionzi afunye obululu 5,839, mu kulonda okwasoose ku Yunivasite e Makerere, okweyambisa emitimbagano, olunnaku olw’eggulo.

Alionzi Lawrence ng’ali mu kampeyini

Ibra Hussei amaliridde mu kyakubiri ng’afunye obululu 2,079, Justus Tukamushaba akutte kyakusatu n’obululu 1,758.

Abalala kuliko Blessious  Namirembe kyakuna afunye 359, Calton Muhinda kyakutaano 238, Christopher Ronald Mugisa kyamukaaga 106, Edward Nalwangu 37 ate Honest Natumanya 24.

Oluvanyuma lw’okulangirira Alionzi Dangote nga ‘Guild’ Pulezidenti we Makerere owe 88, agambye nti okulonda kwabadde kw’amazima na bwenkanya, kwe kusiima abayizi, okulaga amaanyi gaabwe nga balonda abakulembeze abagwanidde.

Abayizi baali balina okulonda mu Gwomunsanvu guno omwaka 2022 wabula okulonda kwayimirizibwa oluvanyuma lw’omuyizi Betungura Bewatte, eyali omuyizi ku Uganda Christian University (UCU) e Mukono, okuttibwa.

Betungura Bewatte yattibwa

Betungura yattibwa ku Yunivasite e Makerere nga 14, Ogwomusanvu, mu kulwanagana wakati wa bannakibiina ki Forum for Democratic Change (FDC) ne National Unity Platform (NUP) mu lunnaku lwa Kampeyini olusembayo nga bamutuunga ebiso.

Ebirala ebifa mu ggwanga – https://www.youtube.com/watch?v=i1Py7h_O5_o