Abantu abali 40 bebaakafa oluvanyuma lw’ekimotoka ky’amafuta okufuna akabenje ne kikwata omuliro mu ggwanga lya Liberia.
Ekimotoka ky’amafuta kyagudde mu kkubo mu katawuni k’e Totota, mayiro 80 zokka okuva mu kibuga Monrovia.
Oluvanyuma lw’akabenje, abantu bazze mu bungi okubba amafuta omuli abalina ebiduuka wabula ekimotoka ne kikwata omuliro.
Abamu ku bantu abaafiiriddewo mwe muli omukyala ow’olubuto, abadde asemberedde okuzaala.
Emirambo gy’abantu bonna bafuuse bisiriiza nga kizibu okutegeera omuntu yenna.
Okusinzira ku Dr Francis Kateh, atwala ebyobulamu mu bitundu ekyo, abantu abasukka mu 80 bali malwaliro ag’enjawulo nga bali mu mbeera mbi nnyo, bataawa.
Dr Kateh era agamba nti waliwo abalwadde abasindikiddwa malwaliro mu kibuga Monrovia ng’embeera mbi nnyo.
Mu kiseera kino Poliisi etandiise okunoonyereza okuzuula ekituufu ekyavuddeko akabenje.
Kigambibwa abasiinze okufa baana abazze mu bungi oluvanyuma lw’ekimotoka okufuna akabenje.
Pulezidenti George Weah asabye Poliisi okunoonyereza ekyavuddeko akabenje era asaasidde nnyo famire z’abantu abaafudde.
Ebirala ebifa mu ggwanga – https://www.youtube.com/watch?v=H-dE_Gs22R4
