Omusuubuzi w’amata attiddwa mu bukambwe
Ku kyalo Kigombya mu disitulikiti y’e Mukono n’okutuusa kati bakyasobeddwa olw’ettemu.
Entiisa ebuutikidde abatuuze, omusuubuzi w’amata Peter Olwenyi myaka 40 bw’asangiddwa ng’attiddwa enkya ya leero.
Omugenzi alabiddwa omu ku bakozi be Margaret Nabirye, abadde akedde, okutambuza emirimu, kwekusanga nga mukamaawe, bamusse.
Babirye Samali, abadde omu ku bakozi b’omugenzi, agamba nti yavudde ku mulimu nga zigenda mu ssaawa 6 ez’ekiro omugenzi Olwenyi bwe yabadde azze okulinda amata.
Abatuuze nga bakulembeddwamu ssentebe w’ekyalo William Musoke, basabye Poliisi okunoonyereza okuzuula abatemu, abenyigidde mu kutta omusuubuzi.
Poliisi okuva e Mukono nga yegatiddwako Poliisi y’e Wantoni, basobodde okutwala omulambo mu ggwanika e Mulago, okwongera okwekebejjebwa – https://www.youtube.com/watch?v=F8LPleFqdJg&t=2s
