Abatuuze b’omu Kiteezi mu Lusanja, bawanjagidde abakulembeze okuva mu kitongole ki KCCA, okutuukira ddala waggulu ku mukulembeze w’eggwanga, okulaba nti bayambibwa naye bakooye embeera mbi, gye bayitamu.
Olunnaku olwaleero, omuliro gwazzeemu ne gukwata kasasiro e Kiteezi wabula Poliisi, yasobodde okwanguwa okuleeta emmotoka zaayo, okuzikiza omuliro.
Mu kiro, abakulembeze balabiddwako e Kiteezi omuli
– Direkita wa KCCA, Hajjat Sharifah Buzeki
– Minisita omubeezi owa Kampala, Kyofatogabye Kabuye n’abakulembeze abalala.
Abamu ku batuuze, bagamba nti omuliro, gwavudde ku bavubuka abalabiddwako nga baliko waya ze bookya.
Wakati mu kunoonyereza ekyavuddeko omuliro, abatuuze bakyebuuza lwaki Gavumenti ekyagaanye okubasasula okuddamu okuzimba amayumba gaabwe.
Bano bagamba nti, okuva omwaka oguwedde ogwa 2025, Gavumenti
– Yasuubiza okukendeeza ku lusozi lwa kasasiro naye byagaana
– Yawa abantu abaakosebwa ssente obukadde 2 okupangisa amayumba wabula tebaddangamu kuvaayo kuyamba, ng’abantu bali mu mbeera mbi.
– Abamu ku batuuze, abali okumpi ne Kasasiro, nabo bawangalira mu kutya.
Basabye Gavumenti okuvaayo okubayamba nga bakooye abakulembeze okubazanyira ku mitwe – https://www.youtube.com/watch?v=F8LPleFqdJg&t=2s
