Ekitongole kya Poliisi kyongedde okulabula ebifo byonna eby’olukale ku butujju, obuyinza okulumba ebifo byabwe.
Olunnaku olwa Ssande, ebitongole ebyokwerinda okuli Poliisi n’amaggye, byasobodde okutta omukyala wali Kalerwe mu gombolola y’e Kawempe, eyabadde atwala bbomu mu katale.
Omukyala, ng’ateberezebwa okuba omutujju w’akabinja ka Allied Democratic Forces (ADF), yakubiddwa amasasi bwe yabadde asemberedde okutuuka ku ggeeti, ya katale wabula owa bodaboda eyabadde atwala omukyala, yasobodde okudduka.
Okunoonyereza kulaga nti bodaboda yagifunidde Busega era waliwo omusuubuzi avuga akagaali, eyakoseddwa ku ttama nga yasindikiddwa mu ddwaaliro e Mulago.
Mu kiseera nga bakyanoonyereza, Poliisi egamba nti kati ye ssaawa, okwongera okunyweza ebyokwerinda ku
– Butale
– Akeedi
– Ppaaka za Takisi ne bbaasi
– Ebivvulu
– Amasiinzizo, okutangira abatujju.
Kituume Rusoke, omwogezi wa Poliisi mu ggwanga, agamba nti oluvanyuma lw’okutta omukyala omutujju nga 3, June, 2025 e Munyonyo n’okutta omukyala omulala ku Ssande, kabonero akalaga nti obutujju kati bweyongedde mu ggwanga – https://www.youtube.com/watch?v=F8LPleFqdJg&t=320s
