Yiino Bbomu America gye yakubye Iran, ezitowa kkiro 13,600
Ebyafaayo byakoleddwa, America bwe yasobodde okweyambisa bbomu, okwesoga olutalo lwa Iran mu butongole.
America yasobodde okukuba ebifo 3 ebya Iran ebigambibwa nti zibadde zitoowa z’ebyokulwanyisa bya Nu-Clear.
Ebifo bino kuliko Fordo, Natanz ne Isfahan.
Kinajjukirwa nti Iran, yasobola okutegeeza ekitongole ky’ensi yonna ki ‘International Atomic Energy Agency’ nti balina ekifo ekyo, Fordo mu 2009 oluvanyuma lw’emyaka 2 nga bakizimba mu nkukutu okuva 2007.
Ekifo Fordo, kiri 100KM okuva mu kibuga Tehran.
Fordo, kifo kya nkizo nnyo nga kiri wansi mu nsozi nga wansi ffuuti ezisukka 300, waliwo bingi ebyazimbibwa.
Ate waggulu waliyo amayumba, nga kizibu okulumba okutuuka wansi.
Wabula America, yasobodde okweyambisa bbomu ekika kya – ‘Massive Ordnance Penetrator (MOP)
– ‘Massive Ordnance Penetrator’ bbomu ezitowa kiro 13,600
– Etambulira ku nnyonyi ekika kya B-2 bomber zokka.
– Esobola okusima mu ttaka ffuuti 200 nga tennaba kwabika
– Kitegeeza America, yabadde erina okweyambisa bbomu 2 okutuuka wansi ku ntobo ya Fordo.
– Kigambibwa America yafunye omukisa ogusooka okweyambisa bbomu ekika ekyo.
– Ebiriwo biraga nti America, yasobodde okweyambisa bbomu 6 ku Fordo
– America, yasobodde okweyambisa ennyonyi 12 omuli 6 eza B-2 bomber n’ennyonyi 6 ez’amafuta.
– America erina ennyonyi 19 zokka eza B-2 bomber nga zonna ziri ku nkambi y’amaggye ag’omu banga ‘Whiteman Air Force Base’ mu bitundu bye Johnson, e Missouri. Wabula wadde America yasobodde okusindika bbomu, Iran egamba nti ebifo byonna wadde byakoseddwa, naye entekateeka zaabwe ez’okukola eby’okulwanyisa bya Nu-Clear zikyagenda mu maaso – https://www.youtube.com/watch?v=F8LPleFqdJg&t=320s
