Bya Nalule Aminah
Pulezidenti w’ekibiina ki NUP Robert Kyagulanyi Ssentamu (Bobi Wine) alumbye Pasita Franklin Mondo Mugisha omuwagizi wa Pulezidenti Yoweri Kaguta Museveni okutambulira mu kubuzabuzibwa.
Bobi Wine agamba nti kiswaza Pasita Mondo okuvaayo okutegeeza nti amuwagira nnyo ate nga atya okuvaayo mu lwatu.
Bw’abadde ayogerako eri abakungubazi mu Kkanisa y’omugenzi Pasita Yiga Augustine Abizaayo, Bobi Wine asabye Pasita Mondo okuvaayo mu lwatu okulaga nti ddala amuwagira okusinga okutya okwogera.
Mungeri y’emu Bobi Wine alagidde sipiika w’olukiiko lwa KCCA Abubaker Kawalya okutekateeka, Pasita Yiga okumubbulamu oluguudo mu Kampala oba e Kawala kuba abadde musajja mekete ate akoze kinene nnyo okukyusa obulamu bw’abantu n’okusingira ddala mu ghetto ze Kawala.
Amangu ddala, Kawalya agambye nti ensonga y’oluguudo egenda kukolebwako mu bbanga lya sabiti 2 zokka.
Eddoboozi lya Bobi Wine
