Mbega wa Poliisi ku Palamenti Charles Twine, olunnaku olwaleero, akomezebwawo mu kkooti, ku Buganda Raoad mu Kampala.
Charles Twine, mutuuze we Bukemba Cell mu Tawuni Kanso y’e Kasangati mu disitulikiti y’e Wakiso, mu kkooti, ali ku misango ne Mitala Noah, amanyikiddwa nga Noah Mutwe, munnakibiina ki NUP, mutemi wa nnyama nga mutuuze we Kavule-Semuto, Matuga mu disitulikiti y’e Wakiso.
Nga 22, May, 2025, mu maaso g’omulamuzi Ronald Kayizzi, Twine ne Noah Mutwe bagulwako emisango 8 nga
Kigambibwa
– Wakati wa January, 2024 – May, 2025, Twiine Charles ng’ali mu Kampala ku mikutu migatta abantu, yakuma omuliro mu Noah Mutwe, okulumba okutta Pulezidenti wa Uganda ng’akozesa Peeva n’omuduumizi w’amaggye Gen. Muhoozi Kainerugaba.
– Okutambuza ebigambo by’obukyayi nti sipiika wa Palamenti Anita Among, yakulemberamu okutta abantu e Bukedea era mbu “Rotten Human Being”.
– Okukozesa obubbi kompyuta ng’ayita ku mikutu mugatta bantu, okutegeeza nti amyuka sipiika wa Palamenti Thomas Tayebwa, musajja mufere, yeenyigira mu kutambuza ssente mu ngeri emenya amateeka.
– Ebigambo ebisiga obukyaayi, era mu kaseera kekamu, yasobola okweyambisa emikutu migatta bantu, okutegeeza nti Gen. Muhoozi, ‘kabizzi kasava’, ekintu ekiweebula ekitiibwa kye ng’omuntu.
Mungeri y’emu yategeeza nti Gen Birungi James, musajja mutemu ate muzzi wa misango.
Mu kaseera kekamu, yawandiika ne Abahima, batemu, ekintu ekiyinza okuvaako okutuusa obulabe ku Bahima.
– Omusango omulala Noah Mutwe ne Charles Twine nti bekobaana mu kuzza emisango.
Mu kkooti emisango gyona bagyegaana era wakati mu kwewozaako kwekutegeeza, nti baatulugunyiziddwa kyokka ne basindikibwa Luzira okutuusa olwaleero, lwe basuubirwa okuba okweyimirirwa – https://www.youtube.com/watch?v=eT1X9bTTH6A&t=15s
