Kyaddaki Barbie Itungo mukyala w’omubaka we Kyadondo East mu Palamenti Robert Kyagulanyi Ssentamu (Bobi Wine) ayogedde engeri bba gye yatolose ku Poliisi okugenda e Bugiri okuziika abadde mukwano gwe Hajji Siraj Lyavala Samanya olunnaku olw’eggulo.
Barbie agamba nti Bobi Wine alina nnyo amagezi kuba mu kiro ekyakeseza olunnaku olw’eggulo ku Lwokuna, teyasula waka kuba yabadde alina emirimu gye era abasirikale baswadde nnyo bwe bakitegedde nti yatambudde dda.
Mungeri y’emu agambye nti abasirikale benyudde okugenda oluvanyuma lw’okukimanya nti bba Bobi Wine yatambudde dda okuva mu makaage.
Barbie Itungo ebigambo bye, biraga nti Bobi Wine yatolose mu ngeri Omumerika Arnold Alois Schwarzenegger omuzannyi wa firimu gye yatoloka mu kkomera ng’ali mu firimu eya ‘Time is Now’.
