Poliisi ekutte abantu bataano (5) ku by’okutunda enjaga ssaako n’okufera abatuuze.
Abakwattiddwa kuliko Massa Luwedde, Zaifa Ssekyewa, Esther Namwanjje, John Kaweesi ne Eria Lusiba nga bagiddwa mu zzooni ya Kulekana ku luguudo lwe Salaama e Makindye-Sabagabo, mu kikwekweeto ekyakulembeddwamu Poliisi, amaggye n’aba Local Defence Units (LDU) ku St Henry’s garden.
Okusinzira ku mwogezi wa Poliisi mu Kampala n’emirirwano Patrick Onyango abakwate bonna bali ku Poliisi y’e Katwe, okuyambako Poliisi mu kunoonyereza.
Mungeri y’emu agambye nti abakwate babadde bafuula amaloboozi ku massimu nga befuula abazungu n’ekigendererwa eky’okubba bannansi.
