Pulezidenti Yoweri Kaguta Museveni agambye nti abantu okwetandikirawo emirimu n’okusikiriza bamusiga nsimbi, kigenda kuyamba nnyo okulwanyisa ebbula ly’emirimu.
Museveni agamba nti Gavumenti esobodde okutekawo embeera okwanguyiza abantu okukola obulungi emirimu okunyweza ebyokwerinda, okuzimba enguudo, okusasaanya amasanyalaze n’okusomesa abavubuka.
Mungeri y’emu agambye nti Gavumenti efunvubidde okulwanyisa obuli bw’enguzi mu bitongole bya Gavumenti byonna n’okubonereza abakulembeze abalemesa bamusiga nsimbi olw’okusaba ssente mu ngeri y’okulya enguzi.
Okubyogera, abadde egulawo fakitole musanvu (7) mu disitulikti y’e Jinja ne Buikwe ezikola ebintu ebyenjawulo omuli empapula, amasepiki, engoye n’ebintu ebirala era bannayuganda abasukka 5,000 bebasuubirwa okufuna emirimu.
