Poliisi ekutte omusomesa lwa kubojjerera abayizi, asangiddwa n’owa P5 mu kazigo ng’agaludde

Omusomesa ategerekeseeko erya  Lukwago myaka 24 nga mutuuze we Lubatu – Kizingiza era ng’asomesa wa Science ne Math mu P7 ku ssomero lya The Sower Junior School e Lusanja mu Tawuni kkanso y’e Kasangati mu Disitulikiti y’e Wakiso akwattiddwa ku by’okusobya ku bayizi.

Lukwago akwattiddwa abakulembeze ba LC ku bigambibwa nti aludde ng’asobya ku baana abawala era bamukutte lubona n’omuyizi wa P5 mu muzigo gwe.

Lukwago yategeezezza abakulembeze nga bakulembeddwamu omumyuka wa Ssentebe, Betty Nabbosa myaka 47 ne Lawrence Sserunjogi akulira abavubuka mu muluka gw’omu Kiteezi nti kituufu abayizi abadde abasobyako ate bwatuusiddwa ku poliisi y’e Kiteezi  n’abyegaana.

Ku Poliisi, Lukwago aguddwako omusango gw’okujjula ebitanajja oguli ku fayiro nnamba SD:24/08/08/2019.

Ekifaananyi kya Bukedde

SK OMUZINNYI