Poliisi y’e Kericho mu ggwanga erya Kenya ekutte omusajja myaka 36 ku by’okusobya ku nnamukadde myaka 60 ku kyalo Mosomborik mu ggombolola y’e Chepcholiet.
Omusajja ali ku Poliisi y’e Chepseon mu Konsituwense y’e Kipkelion era kigambibwa nti yakutte ejjambiya nasuubiza okutematema nnyina kyokka oluvanyuma yamusobezaako ekkiro ky’olunnaku olwokuna nga 15, August, 2019.
Okusinzira kw’amyuka adduumira Poliisi mu kitundu ekyo, Stephen Korir omusajja agamba nti yasobezza ku nnyina kuba yabadde atamidde era Poliisi etandiise okunoonyereza.
Mungeri y’emu agambye nti olunnaku olw’enkya ku Mmande, omukwate bamutwala mu kkooti ku misango gy’okusobya ku nnyina n’okumutisatiisa okumutta.
