Poliisi y’e Apac ekutte abantu 4 ku by’okutta omusajja myaka 20 mu ggombolola y’e Chegere.
Abakwattiddwa kuliko Jimmy Okullo, Alex Ekwaro n’abalala abategerekeseko erya Otim ne Eloc nga bonna batuuze ku kyalo Adir ate munaabwe Allan Ekwaro akyaliira ku nsiko.
Kigambibwa abakwattiddwa, bafunye obutakaanya nga bali mu bbaala era wakati mu kulwanagana, Isaac Owiny abadde omutuuze we Alik yakubiddwa ku ssande ekkiro, ekivuddeko okufa kwe.
Okusinzira ku beerabiddeko nagaabwe okuli David Okot ne Chris Opio, omugenzi yabadde alina omukyala era kiteberezebwa y’emu ku nsonga lwaki yakubiddwa.
Adduumira Poliisi mu Disitulikiti y’e Apac Moses Ekudot, agambye nti abantu 4 abakwattiddwa, bagenda kubayambako mu kunoonyereza kwabwe.
Mungeri y’emu asuubiza okutegeeza abatuuze alipoota y’abasawo, okutegeera ekyavuddeko omuntu waabwe okufa.
