Ekitongole kya Poliisi ekya Flying Squad kikutte omusajja Hamidu Segawa ku by’okwefuula omukozi mu kitongole ekirwanyisa obuli bw’enguzi okuva mu maka g’omukulembeze w’eggwanga (State House).
Okusinzira kw’amyuka mwogezi wa Poliisi n’emirirwano Afande Luke Owoyesigyire, Segawa baamukwattidde mu Kampala ku luguudo lwa Nkrumah Road era abadde anoonyezebwa Poliisi.
Owoyesigyire agamba nti Segawa abadde yegumbulidde okutisatiisa abantu era mu kwattibwa, yasangiddwa ne Radio Call ssaako ne Densite ez’enjawulo.
Mu kiseera kino, aguddwako emisango omuli okwefuula kyatali n’okufuna ssente mu lukujjukujju era essaawa yonna bakumutwala mu kkooti.
