Omuyimbi Cinderella Sanyu amanyikiddwa nga Cindy Sanyu naye avuddeyo ku nsonga za Eddy Kenzo ne Rema Namakula.
Mu kiseera kino Rema ali mu ssanyu kuba ateekateeka mikolo okwanjula bba Dr Hamza Ssebunya mu bazadde nga 14, November, 2019 ate Kenzo ali mu maziga olwa Rema okufuna omusajja omulala.
Wabula Cindy naye awagidde Rema okufuna omusajja omulala Dr Hamza kuba Kenzo alemeddwa okulaga nti Rema amwagala.
Cindy agamba nti Kenzo okugaana okugenda mu bazadde ba Rema ate ng’alina ssente, kabadde kabonero akalaga nti tamwetaaga mu bulamu bwe.
Mungeri y’emu Cindy alabudde Dr Hamza okwerinda abantu okumwogerako ku mikutu egy’enjawulo omuli emitimbagano gya yintanenti kyokka Rema okumulaga ensi, kabonero akalaga nti amwagala era amwetaaga mu bulamu bwe.
