Bya Nalule Aminah
Poliisi mu Kampala ekoze ekikwekweeto mw’ekwatidde abantu abasukka 38 abateeberezebwa okwenyigira mu kutigomya Bannakampala.
Abakwattiddwa bagiddwa mu bitundu eby’enjawulo omuli City Square era okusinzira kw’amyuka omwogezi wa Poliisi mu Kampala n’emirirwano Luke Oweyesigyire, abasuubuzi mu Kampala babadde basukkiridde okwemulugunya ku bavubuka abegumbulidde okunyakula ensawo z’abakyala, amassimu, okubakwata mu nsawo n’okutwala ebintu ebirala.
Oweyesigyire asabye abantu bonna abaali batwaliddwaako ebintu byabwe okuwa Poliisi obujjulizi, kibanguyize okutwala mu kkooti abakwattiddwa.
Mungeri y’emu agambye nti singa emisango gibasinga, bolekedde okusibwa omwaka mulamba.
