Omuyimbi Eddy Kenzo akyasobeddwa olwa kabite we Rema Namakula okumusuulawo oluvanyuma lw’emyaka egisukka 5 nga bali bombi era babadde balina omwana omu yekka.
Kenzo alabika yali takisuubira nti Rema asobola okufuna omusajja omulala kyokka mu kiseera kino entekateeka zigenda mu maaso, Rema okwanjula bba omupya Dr. Hamza Ssebunya mu bazadde be nga 14, November, 2019 e Nabbingo ku lwe Masaka.
Embeera eyo, Kenzo agamba nti ensi ejjuddemu abantu bangi nnyo abataagaliza bannaabwe, abalina ennugu era abalina emitima emibi. Mungeri y’emu agamba nti mu mbeera yonna, Omutonzi ye muntu omutuufu okubazaamu amaanyi n’okubalwanira entalo ssaako n’okulwanyisa obulabe sitaani, “Almighty. We ask You to grant us peace of mind and calm our troubled hearts. We can’t seem to find the balance we need in our lives so we stumble and worry constantly. Give us the strength and clarity of mind to walk the straight path You’ve laid out for us. Keep Satan at bay!”.
Ebigambo bya Kenzo biraga nti waliwo abantu abamukozeeko effujjo mu bulamu bwe, okumulemesa okweyagala n’okuteekawo embeera, eyinza okuba nga yaviriddeko mukyala we Rema okugenda.
