Kyaddaki Omukulembeze w’eggwanga lino Yoweri Kaguta Museveni avuddemu omwasi ku nsonga za America okuteeka envubo ku Gen Kale Kayihura eyali omuduumizi wa poliisi.
Ekiragiro ekyokuwera Kayihura okugenda mu Amerika n’ebyobugagga bye okukwatibwa kyayisiddwa ekitongole ekiyitwa ‘Offi ce of Foreign Assets Control (OFAC), ekyaweereza obubaka eri ebitongole byonna ebya Amerika omuli n’ekitebe kya Amerika mu Uganda okussa mu nkola ekiragiro ekyo.
Omuwandiisi w’eggwanika ly’ensimbi mu kitongole ky’Amerika ekirwanyisa obutujju n’okulondoola ensimbi ekiyitibwa Department of Treasury for Terrorism and Financial Intelligence Sigal Mandelker, yagambye nti ekiragiro ekyayisiddwa kitegeeza nti ebyobugagga bya Kayihura byonna by’alina mu Amerika, oba ebyo by’alinako akakwate konna, nabyo byakuboyebwa.
Mandelker yagambye nti ebyo baabisazeewo oluvannyuma lw’okunoonyereza ne bazuula ebikolwa bya Gen. Kayihura eby’okutulugunya n’okutyoboola eddembe ly’omuntu mu kiseera bwe yali IPG.
Amerika, era erumiriza Gen. Kayihura, n’ebitongole bye ebirala okuli ekya Flying Squad Unit (FSU), wamu ne Nalufeenya Special Investigations Centre (NSIC), okutulugunya abasibe nga babakuba ebigala by’emmundu n’emiggo.
Ku nsonga eyo, Pulezidenti Museveni agambye nti kiswaza abamu ku bakulembeze n’okusingira ddala okuva ku ludda oluvuganya Gavumenti okusanyuka olwa America okugaana Gen. Kale Kayihura, mukazi we Angella Kayihura n’abaana baabwe bonna okugenda mu America.
Museveni agamba nti Uganda y’ensi esinga obulungi. Agamba nti okugenda mu nsi z’ebweru kuba kwesaddaka kuba balina emmere embi, embeera y’obudde n’ebirala, “I know of no Country that is more beautiful than Uganda on Earth Planet. It is actually a sacrifice for me to visit any non-African country on account of bad weather, strange foods etc.”.
Mungeri y’emu agambye nti Gavumenti ya NRM tesobola kukiriza Gen Kale oba munnayuganda yenna okutwalibwa mu nsi z’ebweru ku musango gwonna wadde kkooti y’ensi yonna etuula Hague kuba mu Uganda mulimu kkooti. Agamba nti mu kiseera kino Gen Kale ali mu kkooti ku bigambibwa nti mu kiseera ng’ali mu offisi ng’omuduumizi wa poliisi aliko emisango gye yakola era tekyetagisa mukomo gwa bagwira, “However, for Kale or other Ugandans who are suspected to have made mistakes, they will always be handled in Uganda. That is why we shall never hand any Ugandan to, for instance, the Court in The Hague- the ICC. Kale is already facing whatever mistakes he is suspected to have committed in our Courts. What value addition is, then, there from external actors?”.
Museveni agamba nti Gen Kale singa kizuulibwa nti alina eby’obugagga mu America, ekyo kikyamu ddala era kikolwa kya kulya mu nsi lukwe era kimalamu amaanyi kuba Uganda yetaaga bamusiga nsimbi ne Africa yonna. Agamba nti ye (Museveni) talina kya bugagga kyonna mu nsi z’ebweru era tasobola kutwalayo kintu kyonna. Agamba nti okusiga ensimbi mu America, tasobola wakiri okugenda mu Tanzania, Kenya, Rwanda n’amawanga amalala mu Africa,”What would be disappointing is to hear that Kale had investments in the USA that his children go to see. That would be treason. Investments in the USA when Uganda needs investments? I do not have and will never have a single investment outside Uganda; possibly, for some sentimental reasons, I could consider investing in Tanzania, Kenya, Rwanda etc. – African countries. However, for non- African Countries: “No”, ‘Never'”.
