Abaana musanvu (7) bafiiriddewo ate bangi banyiga biwundu ekimu ku kizimbe ky’essomero lya pulayimale bwe kigudde enkya ya leero ku Mmande mu ggwanga erya Kenya mu kibuga Nairobi.
Essomero eriguddeko ekizimbe, limanyiddwa nga Precious Talent Academy ng’ebizimbe bya mbawo ate abaana babadde mu kibiina kya Top.
Abaana abafunye ebiwundu batwaliddwa, malwaliro agali okumpi nga bali mu mbeera mbi.
Ate omukulu w’essomero Moses Ndirangu agambye nti okumpi n’ekizimbe bali mu kuyisaawo payipu etambuza kazambi era kiteberezebwa y’emu ku nsonga lwaki ekizimbe kinafuye ne kigwira abaana.
Ate ekitongole ekya Red Cross kisobodde okutwala abaana abakoseddwa mu ddwaaliro erya Kenyatta National Hospital, okusobola okutaasa obulamu.
