Kyaddaki omuyimbi Weasel Manizo ayogedde ebigambo bye yasemba okwogera n’omugenzi Mowzey Radio mu bulamu bwe.
Weasel agamba nti Radio yali amutwala nga muganda we kuba buli kimu baakikolanga bombi.
Agamba nti Radio yali muntu wanjawulo nnyo kuba yali musajja alina talenti eyenjawulo, yali ayimba bulungi, yali muwandiisi wa nnyimba era abayimbi bangi nnyo abalina ennyimba ze.
Bw’abuuziddwa ekigambo kye yasemba okunyumya ne Radio, Weasel agambye nti baali bava mu kyalo nga Radio ayagala bageende Entebbe kyokka ye yali akooye nnyo nga tayagala kugenda.
Weasel era agamba nti waayita eddakika ntono, Polodyusa Washington naatuuka era amangu ddala Radio naamugamba, “Washington nkuwambye, nkutwala ntebbe“, bye bigambo bya Radio ebyasembayo ne Weasel.
Weasel era agambye nti olunnaku Radio lwe yalwana ne Bebe Cool tayinza kumwerabira mu bulamu bwe.
