Bbanka ya Centenary etoongoza Kampeyini etuumiddwa ‘Cent Christmas’ okuddiza ku bakasitoma baayo okuwangula ebirabo eby’enjawulo mu biseera bino ebya Ssekukulu.
Kampeyini ya ‘Cent Christmas’ yakulungula sabiti 8 (November – December) nga bakasitoma okuwangula balina okweyambisa enkola y’okuggyayo n’okusindiika ssente mu bbanka nga bakozesa amassimu mu nkola eya Cente Mobile, Cente Visa ne Cent Agent.
Okusinzira ku Manejja wa Centenary Bbanka mu by’obusuubuzi n’empuliziganya Beatrice Lugalambi, balina amatabi 74 mu ggwanga lyonna era ku matabi gonna bakasitoma bageenda kuwanguliyayo ebirabo eby’enjawulo omuli ssente enkalu.
Mu kutoongoza ‘Cent Christmas’ ku Capital Shoppers Ntinda, Lugalambi agambye nti omuntu yenna alina okweyambisa ‘Cente Mobile’ ku ssimu ye emirundi esatu olunnaku, okusobola okuyingira akazannyo n’okutangaaza emikisa gy’okuwangula.’
Ku ssimu, Kasitoma yenna asobola okusasulirako ebintu eby’enjawulo omuli amasanyalaze, amazzi, Ttiivi, okugula ebintu mu Supermarkets, okusasula mu Restaurant, okugula ebintu ku mutimbagano n’ebintu ebirala.
Lugalambi akowoodde bakasitoma ba Centenary okwenyigira mu kampeyini eno okusobola okuwangula ebirabo bya bukadde.
