Kyaddaki Eddy Kenzo akkirizza nti mu bulamu bwe, talina mukisa gwonna okuddamu okulaba ku Nabunya wa Rema Namakula kuba ali siriyasi nga 14, November, 2019, agenda kwanjula omusajja omulala Dr. Hamza Ssebunya mu bazadde e Nabbingo ku lwe Masaka.
Kenzo asobodde okweyambisa omukutu ogwa face Book, okugamba nti buli kintu ekituuka ku bulamu bw’omuntu, kituukawo olw’ensonga era y’emu ku mboozi ewandikibwa ku muntu mu bulamu bwe. Agamba obulamu buyita mu kusomozebwa okwenjawulo era buli muntu alina okukitwala ng’eky’okuyiga naye obulamu bulina okutambula.
Mungeri y’emu agambye nti ennaku ezimu basobola okukoona naye olina okuyimuka, “Everything that happens in your life happens for a reason. It’s part of your story. It was written for you. What’s this life but a series of tests. Take it as a lesson & move on. Sometimes you’ll be knocked down but you must quickly get up“.
Ebigambo bye, biraga nti akkirizza nti ddala kituufu Rema yageenda, alina omusajja omulala kyokka alina okubyesonyiwa, obulamu okusobola okutambula obulungi.
