Ssentebbe w’akakiiko k’eddembe ly’obuntu aka Uganda Human Rights Commission (UHRC) Med Kaggwa afudde enkya ya leero.
Kaggwa azirikidde mu mmotoka ye mu bitundu bye Mulago.
Okusinzira kw’amyuka omwogezi wa Poliisi mu Kampala n’emirirwano Luke Oweyesigyire, Kaggwa abadde mu mmotoka ye, nga yevuga okumpi n’enkulungo y’e Mulago kwekuzirika.
Embeera eyo, emuviiriddeko okutomera emmotoka emubadde mu maaso ge ekika kya Toyota Wish era abasirikale webatuukidde ng’agudde ku siteringi y’emmotoka.
Amangu ddala, abasirikale basobodde okumenya endabirwamu okumusikamu okumutwala mu ddwaaliro.
Kaggwa afiiridde ku Case Hospital mu Kampala ku ssaawa 3 ez’okumakya.
Wabula abasawo ku ddwaaliro erya Case Hospital bagamba nti bategeezeddwa famire nti omugenzi abadde alina ekirwadde ekya Puleesa era ng’ali ku ddagala.
