Bbanka ya Centenary eyongedde okuwa akamwenyumweyu eri bakasitoma baayo, abajumbidde okwenyigira mu kazannyo ka CenteChristmas akaatongozebwa ku ntandikwa y’omwezi guno ogwa November.
Abantu 4 bawangudde ebirabo wali ku Capital Shoppers Nakawa oluvanyuma lw’okuyingira akazannyo ka CenteChristmas.
Ku Capital Shoppers abawanguzi bonna okubadde Mr. Kayongo Daniel, Ms. Phiona Kesiime, Mr Charles Wamalia ne Ms. Esther Adeke, bakwasiddwa obugaali bwa supermarket (Trolley Dash) buli omu okulonda ebintu byeyetaaga mu ddakika emu (1Min).
Abawanguzi bavudde mu bitundu bya Kampala n’emirirwano era mu ddakika emu balonze ebintu omuli sukaali, omuceere, Sooda, blue band n’ebintu ebirala.
Omu ku bawanguzi Kayongo Daniel asiimye Bbanka ya Centenary okuddiza ku bakasitoma baayo n’okutekawo embeera okubanguyiza okusindika n’okuggyayo ssente zaabwe mu bbanka, “nina akawunti mu Centenary Bank era esobodde okunyamba okuwangula ebirabo bino, mbadde nkozesa Cente Agent Banking nebaza Centenary olwa bino byenfunye era kabonero akalaga nti batulowozaako nga bakasitoma baabwe“.
Ate akulira eby’empuliziganya n’obwakitunzi mu Bbanka ya centenary Beatrice Lugalambi abikudde ekyama nti bukya Kampeyini eno atandika nga 5, November, 2019, bakasitoma abasukka mu 300 bawangudde ebirabo eby’enjawulo omuli ssente, ebirabo ebisibiddwa ekiganda (Gift Hampers) n’okuweebwa ‘Trolley Dash’ okulonda ebintu mu Supermarket mu ddakika emu mu bitundu by’eggwanga eby’enjawulo omuli Mbale, Arua, Fort Portal, Mbarara ne Masaka.
Kampeyini ya CenteChristmas ekyatambula okutuusa nga 31, December, 2019 era Kasitoma yenna okuwangula, alina okweyambisa enkola za bbanka omuli CenteMobile, CenteVisa ne CenteAgent okusindika n’okuggyayo ssente wakiri emirundi esatu (3) buli wiiki.
Vidiyo ku Capital Shoppers Nakawa
