Poliisi ekutte mukaaga (6) ku by’okubba emmundu mu disitulikiti y’e Kabarole.
Emmundu yabibwa n’amasasi 29 ku musirikale Sergent David Nkwangu okuva ku Poliisi y’e Hakibale, nga 3 omwezi gunno ogwa December, 2019.
Okusinzira kw’addumira Poliisi mu bitundu bye Rwenzori West, Kayondo Lunkanga, Poliisi, amangu ddala ng’etegeddeko nti emmundu ebiddwa, okunoonyereza kwatandikirawo.
Lunkanga agamba nti emmundu yasangiddwa mu nju y’omu ku batuuze ku kyalo Hakibale era Poliisi nebaako beekwata.
Abalala bakwattiddwa ku kyalo Kasambya mu disitulikiti y’e Mubende kyokka Poliisi egaanye okwatuukiriza amannya gaabwe.
Abaakwattiddwa bali ku kitebe kya Poliisi e Fort Portal ku misango gy’okubba emmundu.
