Omuyimbi Ykee Benda addukidde eri Pulezidenti Yoweri Kaguta Museveni okuwaayo okwemulugunya kwa bannayuganda.
Mu kiseera kino bangi ku bannayuganda tebakyakola olw’ebiragiro bya Pulezidenti Museveni okuggala amassomero, okuyimiriza ebivvulu, okuggala ebbaala ne Kirabu zonna mu ggwanga, okuggala ensalo ssaako n’okuyimiriza ennyonyi zonna ezitambuza abantu okuva mu nsi z’ebweru.
Benda agamba nti mu kiseera kino abaana bali waka oluvanyuma lwa Gavumenti okuggala amassomero, bangi ku bazadde tebakyakola kyokka abasuubuzi batandikiddewo okulinyisa ebbeeyi y’ebintu ebikolebwa mu makolero ga Uganda, ekyongedde okuzibuwaza obulamu bw’abantu.
Benda agamba nti ebintu omuli sukkaali, ssabuuni, omunnyo n’ebirala birinyisiddwa ebbeeyi era asabye omukulembeze w’eggwanga okuvaayo okuyamba bannayuganda abayinza okufa olw’embeera embi.
Mungeri y’emu asabye abasuubuzi okulowooza ku mbeera ya bannayuganda okusinga okwerowozaako bokka, “Eve since we got this problem, many of our people are home not working,it’s very hard because all kids were sent back home in a time when their parents aren’t earning anything but it’s so disturbing that prices on things that are made here in Uganda have raised from the normal prices ,making it so difficult for many people to survive in such a time .Why ? Why in a time when people are not working, Mr President Kindly help us and say something about this , because if food isnt Imported then there’s no single reason for changing its prices.No reason for changing sugar,soap,salt prices yet they are made here .Please say something it because people will die even of not Corona Let’s not be selfish guys. Think about others as u change prices. Don’t make more damages“.
