Oluvanyuma lw’omuyimbi omuto Nadia Rania okuvaayo okulumirizza omuyimbi ate Polodyusa w’ennyimba Daddy Andre okumusaba akaboozi okusobola okukwata vidiyo y’oluyimba ‘Gwe Aliko’ nate waliwo omuwala omulala avuddeyo ku nsonga y’emu.
Nadia agamba nti yawa Daddy Andre ssente okukola oluyimba kyokka yeyingiza mu luyimba lwe ‘Gwe Aliko’ nga tamusabye.
Mungeri y’emu agamba nti Daddy Andre yamufiiriza ssente bwe yagaanye okulabikako mu kiseera ky’okukwata vidiyo ate nga yabadde asasudde ssente zonna.
Nadia agamba nti Andre yavudde ku mulamwa kuba mu kiseera kino amusaba kaboozi okusobola okukola ku luyimba lwe.
Oluvanyuma lwa Nadia okuvaayo, n’omuwala omulala ategerekeseeko erya Amber Christ Movie ku Face Book naye avuddeyo ku nsonga ya Andre.
Amber agamba nti Andre yamukozesa mu situdiyo ng’amusuubiza okukola oluyimba lwe kyokka yatwala ne ssente ze, ” Andre fuckedme too in his studio promising me to do my song my song kale amazi ago“.
Amber alaze nti muwala munyivu nnyo era asuubiza okuswaza Andre eri eggwanga lyonna kuba bakooye empisa ze mu kisaawe ky’okuyimba.
Wadde Amber ne Nadia bavuddeyo okutegeeza eggwanga ensonga zaabwe, Andre tannaba kuvaayo kwewozaako ku nsonga ezo wabula omusasi waffe atandiise okumunoonya, okufuna oludda lwe.
