Omuyimbi Omunigeria David Adedeji Adeleke amanyikiddwa nga Davido asobeddwa eka ne mu kibira olwa mukyala we amanyiddwa nga Chioma Avril okuzuulibwa ng’alina ekirwadde ki Covid-19 ekisaasanyizibwa akawuka ka CoronaVirus.
Davido asobodde okweyambisa omukutu ogwa Instagram, okutegeeza abawagizi be nti emabegako ye ne mukyala we baaliko ebweru w’eggwanga nga Davido agamba nti yalina ebivvulu eby’enjawulo mu ggwanga erya America ne bisazibwamu ate ye mukyala we Chioma yali mu ggwanga erya Bungereza mu kibuga London n’omwana waabwe.
Davido agamba nti okudda mu Nigeria baakebeddwa era kyazuuliddwa nti omukyala alina ekirwadde kya Covid-19 ate ye n’omwana balamu bulungi.
Agamba nti mu kiseera kino omukyala ali mu kalantini okufuna obujanjabi mu bwangu ate ye n’omwana beeyawudde ku bantu okumala ennaku 14, “She is now being quarantined and I have also gone into full self isolation for the minimum 14 days. I want to use this opportunity to thank you all for your endless love and prayers in advance and to urge everyone to please stay at home as we control the spread of this virus! Together we can beat this“.
Obulwadde bwa Covid-19 tebulina ddagala mu kiseera kino era mu nsi yonna abaakafa bali 30,900 ate abalwadde 665,291.
