Poliisi n’amaggye basambaze ebibadde byogerwa nti waliwo abantu bataano (5) abattiddwa aba LDU, akawungeezi k’olunnaku olw’eggulo mu bitundu bye Nateete.
Amawulire gaabadde galaga nti abantu 5 baakubiddwa amasasi mu kiseera kya kafyu wakati w’essaawa 2 ne 3 ez’ekiro.
Wabula omwogezi w’amaggye Brig. Richard Karemire agambye nti tewali masasi gaakubiddwa e Nateete omuli ebitongole ebikuuma ddembe era ebyogerwa n’ebisaasaana byonna bya bulimba.
Ne Poliisi egambye nti amawulire gaabulimba era esabye abantu okubyewala kuba kigendereddwamu okusiiga enziro ebitongole ebikuuma ddembe, okuggya abantu ku mulamwa mu kwetangira Corona Virus ssaako n’okutiisa abantu mu kiseera kino ekya Kafyu.
