Ebitongole ebikuuma ddembe nga bikulembeddwamu Poliisi bikutte Ambyulensi 2 ku by’okutambuza abantu okuva mu Kampala okubatwala e Kanungu.
Ambyulensi bazikwatidde Wandegeya era ddereeva omu Sserukenya David akwattiddwa ate omulala yesimatudde ku musirikale era kati aliira ku nsiko.
Ambyulensi kuliko UAB 355Z ne UAH 832W nga zonna Landcrusers okuva mu kitongole ky’obwanakyewa ekya Revival Fire Ministries, okuva mu ggwanga erya Bungereza.
Ambyulensi emu ebaddemu abantu 4 era abasangiddwamu bagambye nti buli omu agiddwako emitwalo 10, (100,000) okuva e Katanga, Wandegeya mu Kampala, okubatwala e Kanungu.
Mungeri y’emu mu Ambyulensi musangiddwamu ensawo y’omuceere, sukkaali, amatooke n’ebintu ebirala.
Okusinzira ku mwogezi wa Poliisi mu Kampala Patrick Onyango, Sserukenya ali ku Poliisi y’e Wandegeya era okunoonyereza kutandikiddewo, okuzuula lwaki abadde akukusa abantu okubatwala e Kanungu mu Ambyulensi.
