Omubaka we Kyadondo East mu Palamenti Robert Kyagulanyi Ssentamu amanyikiddwa nga Bobi Wine asabye Gavumenti ya Pulezidenti Yoweri Kaguta Museveni okuyamba eggyewo omusolo ku ‘Social Media’ abantu basobole okuwuliziganya.
Bobi Wine asiimye Gavumenti okuggyawo emisolo ku mobile money ng’eyita mu bitongole eby’empuliziganya – eby’amasimu nga MTN, AIRTEL n’ebirala okusobozesa abantu okusindika n’okuggyayo ssente.
Agamba nti mu kiseera kino abantu nga bali mu Kalantini ne Kafyu, balina okweyambisa emikutu gya yintanenti omuli Face Book, WhatsApp n’emirala okuwuliziganya kyokka omusolo gubalemesa kuba tebalina ssente.
Bobi asabye Gavumenti ya Pulezidenti Museveni eggyewo omusolo ku ‘Social Media’ mu kiseera kino, okusobozesa abantu okuwuliziganya obulungi.
Ate ku nsonga y’okuwa abantu emmere mu disitulikiti y’e Wakiso ne Kampala, Bobi Wine agambye nti, “Ffe tetuli bamativu olw’engeri emmere gyegabibwamu, wabula tulowooza tekyandibaddemu byabufuzi singa emmere eno yatwalibwa ku buli disitulitiki”.
Mu kiseera kino Bobi Wine y’omu ku bannayuganda abasukka 20 abegwanyiza entebe y’obwa Pulezidenti okuggya Museveni mu buyinza.
