Poliisi y’e Mbale ekutte ssemaka eyatomedde omusirikale eyabadde ateeka mu nkola ebiragiro bya Pulezidenti Yoweri Kaguta Museveni.
Kigambibwa Hassan Namwejawo myaka 32 bwe yabadde ku Ppikipiki namba UET 742Y yatomedde omusirikale CPL Kidubuka Mawazi eyabadde ku mulimu era yamumenya okugulu.
CPL Kidubuka yabadde ku kyalo Nakaloke.
Okusinzira ku mwogezi wa Poliisi mu bitundu bye Elgon ASP Taitika Rodgers, Namwejawo yali aweese omusaabaze nagaana okuyimirira, kwekutomera omusirikale CPL Kidubuka namumenya okugulu.
CPL Kidubuka ali mu ddwaaliro e Mbale ate Namwejawo akuumibwa ku poliisi y’e Mbale ku misango gy’okutuusa obuvune ku muntu era akaabidde mu kaduukulu ka poliisi okumusonyiwa kyokka essaawa yonna bamutwala mu kkooti.
