Ssentebbe w’ekibiina kya NRM era omukulembeze w’eggwanga lino Yoweri Kaguta Museveni asasudde omusajja gwe yatomeredde embuzi olunnaku olw’eggulo.
Museveni bwe yabadde ayogerako eri eggwanga akawungeezi k’olunnaku olw’eggulo, yategeezezza nti waliwo embuzi eyatomeddwa emmotoka ye mu bitundu bye Bweyogerere kyokka teyategedde oba yabadde afudde oba yasimatuse.
Museveni yalagidde ekitongole ekikessi okunoonya nannyini mbuzi, okumusasula embuzzi ye.
Aba Iso basobodde okuzuula Rashid Ssemwanga nannyini mbuzi eyatomeddwa era awereddwa emitwalo 80 wadde embuzi teyafudde.
Okusinzira ku Maj. Alex Abenatwe owa Iso, Ssemwanga asabye emitwalo 60 ez’embuzi era awereddwa n’emitwalo 20 eza ntambula okumuzaayo Bweyogerere.
Ssemwanga asiimye omukulembeze w’eggwanga obutamusiba wabula okumuwa ssente era asuubiza okuzeyambisa okujanjaba embuzi ye.
