Ssaabaminisita wa Uganda, Dr. Ruhakana Rugunda ali mu kutya oluvanyuma lwa bamu ku bantu abamuli ku lusegere okuzuulibwa nga balina Covid-19.
Rugunda asobodde okweyambisa omukutu ogwa ‘Twitter’, okutegeeza nti wadde ye yakebeddwa nga mulamu, asazeewo okweyawula, okutuukiriza ebiragiro bya Minisitule y’ebyobulamu, “Friends, I have gone into self isolation after some of my contacts tested positive for #COVID19. My own test result is negative, however, I have taken this decision as a health recommended measure“.
Dr. Rugunda y’omu ku bantu 2,267, abaakebeddwa olunnaku olw’eggulo, Minisitule mwezuulidde abantu 35 nga balina Kolona.
Okusinzira ku biragiro bya Minisitule y’ebyobulamu, Dr. Rugunda alina okweyawula okumala ennaku 14 era abasawo balina okumulambulangako.
Singa ennaku zigwako nga talina kabonero kona, balina okuddamu okumwekebejja nga wayise annaku 14 n’okumuwa ebbaluwa eraga nti mulamu.
Mu Uganda, Dr. Rugunda ye mukulembeze omukulu mu Gavumenti ya mukulu Yoweri Kaguta Museveni asoose okwetwala mu kweyawula ku bantu olwa Covid-19.
