Poliisi y’e Nagalama etandiise okunoonyereza ku musango gw’okutta Namaganda Prossy myaka 28 abadde omusibi w’enviiri e Kasanga.
Okanga Tadeo myaka 36 omutuuze we Namasumbi mu ggombolola y’e Kyampisi mu disitulikiti y’e Mukono addukidde ku Poliisi y’e Nagalama okutwalayo omusango gw’okutta Namaganda.
Kigambibwa Namaganda attiddwa eyali bba Matovu Abdalah Zake mu kiro ekikeseza olwa leero gwe yazaalira abaana 3 era baayawukana emyaka 2 egyakayita.
Namaganda bamufumise ebiso ebimutiddewo mu muzigo mwabadde asula era baneyiba bawulidde miranga ng’abaana bakaaba nti kitaabwe asse nnyabwe.
Omulambo gutwaliddwa mu ggwanika e Mulago era amyuka omwogezi wa Poliisi mu Kampala n’emirirwano Asp Luke Owoyesigyire agambye nti omusajja Abdalah agambibwa okutta Namaganda aliira ku nsiko mu kiseera kino era okunoonyereza kugenda mu maaso.
