Abasuubuzi mu disitulikiti y’e Luweero, bali mu maziga olwa Poliisi okuggala obutale bwabwe busatu (3) emisana ga leero.

Obutale obugaddwa kuliko Balikyejusa, Balikyewunya ne Wobulenzi nga busangibwa ebbali w’ekkubo eriva e Kampala okudda e Gulu nga abasuubuzi batunda ebintu omuli amenvu, emichomo gy’ennyama, ennanansi, emmere ssaako n’ebintu ebirala.

Abasuubuzi bagamba nti okubaggala, emmali yaabwe eyolekedde okuvunda ssaako n’okufiira mu nnyumba enjala.

Wakati mu kulukusa maziga, abasuubuzi bawanjagidde Pulezidenti Yoweri Kaguta Museveni okubayamba okuba okuggala akatale Kapito agenda okuggwawo olw’ebintu okuvunda.

Eddoboozi lya basuubuzi.

Abraham Tukundane, addumira Poliisi mu disitulikiti y’e Luweero agamba nti olukiiko lwa disitulikiti olwakwasibwa eddimu ly’okulwanyisa Kolona lwatudde ne bakiriziganya okuggala obutale, olw’okutangira Kolona okusasaana.

DPC Tukundane agamba nti abasuubuzi babadde beyongedde okusemberera baddereeva  abatambuza ebyamaguzi ssaako n’omugoteko okweyongera mu butale, ekintu ekiyinza okutambuza Kolona.

Eddoboozi lya DPC Tukundane.