Omuyimbi Mark Bugembe amanyikiddwa nga ButchaMan awereddwa ekitanda Ku Malcolm Clinic e Kibuye oluvannyuma lw’akanyoolagano ne poliisi.
ButchaMan yakwattiddwa Poliisi ya NEMA olunnaku olw’eggulo ku Lwokuna bwe yabadde alemesa olukiiko wakati wa batuuze abakoseddwa amazzi olw’ennyanja Nalubaale (Lake Victoria) okubooga mu bitundu bye Makindye n’abakungu mu kitongole kya NEMA.
Wabula wakati ng’olukiiko lutandiise, Buchaman yatuuse ng’ali n’abakuumi be era amangu ddala yalagidde olukiiko luyimirizibwe kuba baalemeddwa okumutegeeza biki ebigenda okuteesebwako ng’omukulembeze eyalondebwa omukulembeze w’eggwanga Yoweri Kaguta Museveni okulembera ku nsonga z’omu Ghetto.
Buchaman bwe yabadde awoganira waggulu, yatabangudde olukiiko, era abasirikale ba NEMA baamukutte
Bwe yakwattiddwa, yatwaliddwa ku Poliisi y’e Katwe era agamba nti yakubiddwa bubi era tali mu mbeera nungi.
Mu ddwaaliro agambye nti waliwo abakulu mu Gavumenti abaakubidde Poliisi essimu era oluvanyuma yayimbuddwa.
