Poliisi y’e Isingiro etandiise okunoonyereza ku ngeri musajja musirikale munaabwe gye yafuddemu.
Police constable, Ronald Musasizi abadde akolera ku Poliisi y’e Kaberebere mu town council y’e Kaberebere, abadde yabula emyezi ebbiri (2) era abadde anoonyezebwa.
Abatuuze ssaako ne famire baaguddemu ekikangabwa akawuungeezi k’olunnaku olw’eggulo ku Lwokubiri, webagudde ku mulambo gwa Police constable Musasizi nga gutandiise okuvunda okumpi n’amakaage.
Okusinzira ku mwogezi wa Poliisi mu bitundu bye Rwizi, Samson Kasasira, omulambo gusindikiddwa mu ddwaaliro ekkulu e Mbarara okwekebejjebwa.
Aba famire wakati mu kulukusa amaziga basabye Poliisi okunoonyereza okuzuula ekyasse omuntu waabwe.
