Abakungubazi bakyeyiwa mu maka g’omugenzi Polofeesa Apollo Robin Nsibambi e Bulange mu divizoni y’e Lubuga, eyafudde akawungeezi k’olunnaku olw’eggulo ku Lwokubiri nga mu kiseera kino ab’enganda bali mu maziga.
Polof Nsibambi yaliko Ssaabaminisita wa Uganda okuva is nga 5, April, 1999 okutuusa nga 24, May, 2011.
Yazaalibwa nga 25, October, 1940 nga yafiiridde ku myaka 78 era yafiiridde mu makaage.
Okusinzira ku mulirwana w’omugenzi Rev Njagala ng’awereddwa obuyinza okwogera ku lwa famire, Polof Nsibambi afudde bulwadde bwa Kansa obuludde nga bumutawaanya.
Rev Njagala agamba nti famire tenaba kufulumya ntekateeka y’okuziika mu kiseera kino.
Polof Nsibambi, omukulembeze w’eggwanga Yoweri Kaguta Museveni amwogeddeko ng’omusajja abadde ayagala eggwanga lye, akoze ennyo mu kutumbula ebyenjigiriza mu eggwanga.
Museveni agamba nti alagidde Ssaabaminisita wa Uganda Dr Ruhankana Rugunda okulemberamu entekateeka zonna, Polof Nsibambi okuziikibwa mu kitiibwa ekimugwanidde, “I have learnt of the untimely passing of the former Prime Minister, Prof Apolo Nsibambi. He was a true patriot and great academic. The country will miss him. I have instructed Prime Minister @RuhakanaR to lead a team that will ensure we give Prof Nsibambi a befitting send-off“.
Ate Dr Kizza Besigye agambye nti omugenzi abadde musajja akoleredde eggwanga lye mu byenjigiriza n’okuba eky’okulabirako mu bukulembeze bw’eggwanga, “LUGUBRIOUS INDEED. The passing of a good hearted man; an academic par excellence; and a politician by….God’s will. Fare thee well &MAGRIP“.
