Abasuubuzi mu katale k’e Tororo basigadde mu maziga, emmaali yaabwe yonna eweddewo mu nabbambula w’omuliro eyakutte mu kiro ekyakeseza ku Lwokusatu.
Okusinzira ku basuubuzi, omuliro gwatandiise ku ssaawa 5:30 ez’ekiro okutuusa ku ssaawa emu ey’okumakya, Poliisi weyatuukidde.
Ebintu byonna byayidde era Poliisi yasaanze akaseera akazibu okuzikiza omuliro n’okutangira ababbi okutwala ebintu by’abasuubuzi.
Mu mbeera eyo, abasuubuzi basabye Gavumenti okubadduukira n’obuyambi n’okusingira ddala kapito okuzaawo emirimu kuba banji balina ssente eneewole okuva mu bbanka.
Ssentebbe w’akatale Peter Langalanga Okolong agamba nti Gavumenti yokka yesigadde okutaasa abasuubuzi kuba Bbanka zolekedde okutwala ebintu byabwe omuli amayumba olwa mabanja.
