Aba Kampuni ya Star Times Uganda bajjudde omuzannyi we nsambaggere Moses Gololo ng’omutendesi omukulu agenda okutendeka abazannyi bonna abanaazannya mu mpaka za Hisense Challengers Uganda.
Empaka ezo, zitekeddwamu emizannyo egy’ebika eby’enjawulo era gitegekeddwa aba Star Times Uganda mu kisaawe e Namboole, ng’omuwanguzi wakuwangula obukadde obusukka 20.
Isma Lule akulira obwa kitunzi mu Star Times Uganda agambye nti Gololo awereddwa obuvunanyizibwa okutendeka abazannyi bonna mu kisaawe kya Startimes e Lugogo ate oluvanyuma batwalibwe mu kisaawe e Namboole okuvuganya nga 6, June, 2019.
Mungeri y’emu agambye nti Gololo ye mukubiriza omukulu okutuusa nga bafunye omuwanguzi.
Ate Gololo agambye nti empaka za Hisense Challengers Uganda zigenda kuyamba nnyo okukuma obwa ffiiti mu bannayuganda n’okuwangula ssente, abantu okukyusa obulamu.
