Ssenga Namazzi okuva e Ggaba agamba nti ye mwetegefu okusomesa abakyala bonna omuli ne Martha Kay okukyalira ensiko okuyambako abaana abawala okufuna ekitiibwa okuva mu basajja n’okusingira ddala wano mu Buganda.
Naye okukyalira ensiko kye ki?
Waliyo ebitundu by’ekyama ebirina okuwanvuwako era nga ssinga okikola ekitundu ekisinga okubeera n’obusimu ku mubiri gw’omukyala kivaayo mu mbugo ne kiyamba omukyala okufuna obwagazi amangu.
Naye kino kibaawo ssinga omusajja abeera amanyi omugaso gw’abalongo, era naawe omukyala ssinga obeera mu mbeera ng’osobola okufuna obwagazi.
Jjukira okufuna obwagazi omukyala alina okwegatta n’omuntu gw’ayagala, ate omuntu oyo alina okumunoonya obulungi n’aleeta amazzi agalaga nti ddala ali mu bwetaavu bw’okwegatta naye.
Abalongo ba mugaso ssinga akyalidde ensiko abeera amanyi omugaso era n’omusajja gw’agenda okwegatta naye ng’agumanyi.
Ekirala waliyo abasajja nga bamanyi omugaso gw’abalongo, era bw’ofuna ow’ekika ekyo, ky’amagezi okyalire ensiko mu bwangu.
Kikola bulungi bw’okyalira ensiko ng’okyali mu myaka egy’obuvubuka.
Tewali kibaawo ssinga tokyalira nsiko kubanga osobola okuzaala, osobola okwegatta era n’ofuna obwagazi kubanga mu butonde omukyala yenna asobola okufuna obwagazi.
Jjukira amawanga mangi tegakyalira nsiko. Naye oba oli wa ggwanga erikitwala nti kikulu, okugeza nga mu Baganda oba olina okukyalira ensiko.
Mu mbeera eyo, Ssenga Namazzi agamba nti ye mwetegefu okuyambako Martha okukyalira ensiko wadde muwala akuliridde.
