Ekikangabwa kibutikidde abatuuze ku kyalo Nyanga mu ggombolola y’e Bitooma mu disitulikiti y’e Bushenyi, laddu bw’esse abantu bataano (5) omulundi gumu.
Abattiddwa kuliko Elisam Tayebwa (65), Innocent Atwemerire (18), Shallot Tuhwerirwe (14), Nickson Atunkunda (13) n’omulala ategerekeseeko erya Kansime (15) era enkuba ebasangiriza mu nimiro nga banoga majani.
Okusinzira ku ssentebbe wa LC 5 e Bushenyi Jafari Basajabalaba, abafudde bonna babadde batuuze ku kyalo Nyanga, 25 batwaliddwa mu ddwaaliro nga bakoseddwa ate 20 tebafunye kisago kyonna.
