Kyaddaki emmotoka ya Pulezidenti Yoweri Kaguta Museveni eyabibwa omwaka oguwedde, bagikwatidde mu ggwanga erya Kenya.
Emmotoka ekika kya Toyota Kluger y’emu kwezo ezitambulira mu luseregende lwa mmotoka za Pulezidenti Museveni yabibwa omwaka oguwedde ogwa 2018 mu November.
Kigambibwa Pulezidenti Museveni yakubira mukulu munne Pulezidenti w’e Kenya Uhuru Kenyatta essimu oluvanyuma lw’okukitegeera nti emmotoka yali etuuse mu ggwanga lye.
Ebitongole by’okwerinda mu ggwanga erya Kenya byazuula emmotoka eyo, mu April wa 2019 mu bitundu bye Gilgil.
Emmotoka yazuuliddwa ng’eteekeddwako enamba y’e South Sudan SSD 598M era olunnaku olw’eggulo, emmotoka bagikwasiza abakola ku byokwerinda bya Pulezidenti Museveni.
